HERGE Les Aventures de TINTIN En PATOIS du Cambrésis EUL SCEPTRE D' OTTOKAR Par HECTOR MELON D'AUBIER

EUL ’ SCEPTRE D'OTTOKAR

Pa in bio apreu-midi insoleilleu, euch'Tintin et ch'Milou, y s'prom'note dins ch'parc. Au bout d'in tiot momint, Tintin décite eud's'assir su l'binc qu'y vot in tiot peu pus lon.

Tians, tians! Queuqu'an y a oublieu s'servieutte ...

Et pon in quien dins z'inviron, à part Milou bin sûr.

Chi j'l'ouvrot? ... J'y treuv'rot sins doute dù qu'y ard'meure sin Propriéteure et qu'y ché ti! ...

Ah! V'là! "Nestor Halambique, 24 Rue du Vol à voile" ché pon lon d'ichi. J'vas l'y ram'neu. ... >>

<< T'as tort Tintin! Teu sé bin qu'cha t'réussit jinmeu eud't'occupeu dé affeures de z'aute. >> Li dit Milou.

Pus tard, Rue du Vol à voile au 24, Tintin d'min-ne à l'conchierge :

<< Euch Professeur Halambique? ... Au trosiam , premian porte à drote. >> Qu'all'y dit.

Tintin monte eus'étache. Pis: "toc toc toc"

<< Intré! ...

B'soèr, M'dame Pirotte! Déposeu tout cha su l'tiote tape, volé-vos! ...

<< J'eun' sus pon M'dame Pirote, M'sieu l'Professeur.

J'sus v'nu vos ram'neu vo servieutte qu'jé trouveu dins ch'parc. >>

<<Comint cha! ... Eum'servieutte !!!

Come ché aimape à vos d'eum' l'avir rameneu. J'in sus d'autint pu heureux qu'all' contiant eul' texte d'euch'rapport qu'euj'dos présinteu s'soèr à ch'Congreu d'eul F.S.I. >>

<< Ch'eul F.S.I.? Quo qu'ché d'cha? >>

<<F.S.I. : Fédératian Inteurnatianale de Sillillographie. >>

<<Sigi ... quo ? >>

<<Sigillographie ... Vos n'connésseu pon? Ché l'si-ince qu'all's'occeupe eud'l'étute dé Sceaux. Ché extrèm'mint intéressint et ... Vos volé inn'cigareutte ? >>

<<Merci ! J'eun'feume pon. >>

<<Ouais, la Sillographie é queut'cosse eud passionnint. D'élleurs, j'té in cop d'eul su m'collectian et vos in s'ré convancu ... >>

Se fésint, y l'alleume eus'cigareutte et ar-riu s'n'alleumette su l'queue d'Milou "Wouah !!!"

<< Oh ! Ban dius ! X'cusé-meu .. Jé l'moviesse habitrude d'arroué pa-tière mé bot d'cigareutte. ...

V'là chi inn' dé pièche lé pus rare d'eum'collectian: Eul'Sceau d'Charlemagne ... V'là chi ch'ti d'St Louis et à coteu ch'ti d'euch'Doge d'Venise: Gradénigo. ...

Inn'bin jolie pièche égal'mint, cheulle chi, ché inn'bague à intalle, d'l'époque mérovingianne. ...

Et ichi in Sceau Extrém'mint curiu, qu'euch l'hasard m'a fé déceuvrir à Prague. Ché l'Sceau du Rô d'Syldavie : Ottokar IV ...>>

<< Ah, ban! Ch'avot pon, mi. >>

1

<< Ché l'in dé rare Sceau d'eus'pays qu'l'in connot. Mé y drot y in avir d'aute. J'vas d'élleurs partir pou la Syldanie, dù qu'euj'poré étudieu l'questian su plache ... ...

L'imbassadeur d'Syldavie, in d'mé ban z'ami, m'a promis dé lette d'introductian qu'y m'permétrote, j'l'espeure d'compulseu ché vielles archifes du Rô-yaume. ... Inn'cigareutte ! >>

<<Nan, merci ! Et qu'in parté-vos ? >>

Dès qu'j'aré trouveu in s'créteur. S'créteur né d'élleurs pon tot à fé l'mot exact. Chou qu'euj'désire ché quéqu'an qu'y s'occeupe d'tous lé détals matérieuls du vo-yache : Horaire, hoteuls, pass'port, bagache etc ...

Mé j'vos que vos oss. vos vos intérrésseu à la Sillographie. Volé-vos m'donneu vo nom et adresse. J'vos f''ré parv'nir eum'brochure. "Comint qu'in d'viant Sigillographe" >>

<<Vos ête vrémint trop émape ...

Mé queuqu'an d'aute écoutot leu converchatian, aveuc in micro, dins l'quinme in d'sous d'euss'.

<< Y s'in va. ... Vite, arring'teu pou l'vir dins l'escalieu ... >> Comin-ne l'an d'euss'.

Tintin, li prind congeu et ardéquint z'étache. L'aute home y lé sorti et y l'attind su l'palieu. Y l'a inn' monte-photo dins s'mon.

<< Le v'là! Attintian ... >>

Tintin continue eud'déquinte come chi d'rin n'étot.

<< Drôle d'indrot pou régleu s'monte. >> Qu'y pinse.

Pis l'aute y rinte dins s'quinme.

<< V'là ché fé ... Epatint ch'tiot appareul photo cacheu dins inn'monte ... >>

<< Donne-meu cha ! ...

In va l'dév'loppeu tot d'suite ch'eul'photo. >>

<< Ché bin ! ...>>

<<J'veux croère, ravisse ! >>

In vériteu, in n'vot qu'ché ginme d'Tintin et ch'eul queue d'Milou.

Tintin marchot trinquill'mint, pis y s'arreute d'in cop:

<< Saprischti ! Jé oublieu min life ché l'Professeur Halambique ! >>

Du cop, y l'artourne su sé pon arquère sin life. Mé arriveu au deuxiam étache, y l'intind qu'in parle eul'li.

<< Bah! In sé tot d'minme qu'y s'appeule Tintin... >>

<< Tintin! Tintin! Teu sé bin qu'eul'nom seu y suffit pon ! Ché toudis d'eul'photo qu'in a b'son ! ...

Et pis, j'eun' né asseu! J'm'in vas ! ...

Chi in a b'son d'mi, j'sus au Klow !

Salut ! >>

2

Du cop, Tintin y s'muche et pis y survelle l'type qu'y sort.

<< Tot cha m'sin-ne bin mystérieu ... Suivons le! .. >>

L'home à capio noèr et moustache arrife au Klow. Ché in restaurint Syldave, chou qu'y étanne Tintin..

<< Tians! Tians! Restaurint Syldave ... D'pus in pus curieu cha ...

Introns! In verra bin ..

Ah! Mé dù qu'y lé passeu m'n'acrobate? .. >>

Euch'l'aubergiste l'a vu .:.

<< Tians! In cli-int. Allons vir chou qu'y veut! >>

<< Heu! ... J'désir'ros .... Mingeu queut'cosse ... >>

<< Chi ch't'home veut bin prin-ne plache. L'y indiquint inn'tape.

M'sieu voudrot ? ... >>

<< Heu! ... Ravisint l'menu. Donné-meu ... Heu! ...

In Szaszeck aux chimpignans et in vière de Szpradj ...

Mé j'voudros avint m'laveu lé mons.>>

<< Ché tolettes, ché au fond du corridor ... >>

Tintin vot in escalieu et y lé tinté d'y monteu. Pis y l'acoute à ch'eul'porte dù qu'in murmure:

<< Quint à ch'Professeur Halambique, y fodrot core attinte in jour ou deux. Jusqu'au momint qu'y ara archu ché papieu d'l'imbassate. .. >>

<<Hem !!! ...

J'vos avos dit à ch'fond du corridor, M'sieu. >.>

<< X'cusé-meu! J'aré mal compris ...

M'arot-y surpris acoutint à l'porte? >> Pinse alors Tintin.

Et ouais! Ch'l'aubergiste y étot d'jà parti feure sin rapport, pindint qu'y mingeot, à tros home dont ch'ti qu'y suivot.

<< Et y l'acoutot à l'porte! . Ché in tiot jonne garchon aveuc inn' drôle d'houpeutte su s'tiète ? Y lé accompagneu d'in quien ... >>

<<J'parie mille Khors qu'ché l'jonne gamin que Sporowitch à tinteu d'photographieu ! >>

Pindint ch'timps là, in bas ...

<< Tians! A dù qu'y lé Milou? ....

Y sanne pour rapp'leu l'aubergiste.

L'additian , j'vos prie.>>

<<Tôt d'suite, M'sieu! >>

3

In additian saleu qu'y s'élèfe à 11 Euros aveuc inn'tiote maxime: "Qu'y s'occeupe dé z'affeure d'euss'-z'aute s'expose à d'grafe innui. (provierbe Syldave)"

<< Que signifie c'teu phrase? >>

<< Qué phrase ? ... Ah, ouais! M'sieu n'connot pon l'viel-le coutume syldave ? ... Dins ché restaurint d'min pays, ché notes port te toudis in provierbe ou bé inn' ceurte maxime ... >>

<<Ah, vrémint! >>

<<Ouais, M'sieu ... Jolie coutume s'pon? ... Merci ché juste. En prenint l'argint qu'l'y donne Tintin. J'espeure qu' M'sieu à bin dineu ? ... >>

<< Très bin, Merci! Vo szlaszeck étote excellint. Comint qu'in prépare cha ? >>

<<Ah, M'sieu! Ché inn'spécialiteu d'eul'mason. ... : Du gigot d'jonne quien accomodeu à l'sauce syldave ...Vos avé aimeu ? >>

Tintin sodin inquieu:

<<Milou! ... Milou !! ... Milou!!!

Milou y l'arrife trinquile come Baptiste, s'arléquint lé babin-nes.

<<Ah, teu v'là! Rassureu.

A dù qu't'étot core muché? >>

Milou n'répand pon. Et lé v'là arparti.

<< Au plaisir d'vos r'vir ...

Ah, ah, ah ! Je cros bin qu'in n'eul arverra pon d'sitôt .... Arpartint dins s'cuisine ...

Grind diousse!!! Quo qu'y sé chi passeu? >>

In guinban, d'eul'saucisse, eud'z'oé, d'eul'soupe, tout cha trainot pa-tière. Milou y étot passeu par chi.

Y n'avot attrapeu l'hoquet, tot long d'eul'route, sin vinte bin gonfleu.

Mé ni li ni Tintin n'ont vu qu'in aute home lé suivot.

Rintreu ché li, Tintin s'mé à l'arquerche eud rinségn'mint su la Syldavie, in feuill'tint inn'incyclopédie.

<< Suf ... Sur ... Syb ... Ah, v'là! Syldavie, in état d'eul' péninsule dé balkins. La Syldavie fut conquise au 10°sièque pa lé Bordure ..

Y n'a pon l'timps d'finir qu'eul téléphan6ne y sanne :

"Dring! Dring !Dring! ".

Allô! ... Ouais, ché mi! .. Ouais, mi-minme! ... Je... A qui qu'ché ti qu'jé l'honneur d'parleu .... Comint ... Vos m'eul dir.é t'à l hoère ! ... Si j'peux vos arcevir ? .. A queu sujet? ... Ah ! ... Bin ... Ouais ... Vers huit hoère trinte? ... Intindu, j'vos attinds ... B'jour M'sieu ...

4

In home à l'accint étringeu qu'y a dé saquo très importinte à m'dire ... T'intinds cha Milou? >>

Milou y répond que dé hic, sin hoquet y é pon core passeu.

Tintin y l'arprind s'lecture.

<<In 1275, Eul'peuple syldave s'soul'va conte ché Bordure et in 1277, eul'Baron Almaszout, l'In-me d'eul'révolte, fut proclameu Rô. Y régna sous l'nom d'Ottokar 1°. L'queul n'drot pon ête confondu aveuc Ottokar 1°(Prezmysl) Duc et Rô de Bohin-me au 12° sièque.

Huit hoère vingt chonque ... Y n'tard'ra pu, min mystérieux étringeu ... >>

Sodin, in sonne : « Dring »

Tintin va pou euvrir, y saque su l'porte et un home y qué pa-tière, assomeu ou évanoui, in n'sé pon.

Mé nos, in vot qu'y s'agit d'euch l'home qu'y l'suivot à l'sortie du restaurint.

Tintin ravisse dins l'couloèr

<<Persanne!

Allons vir à l'farniette ... >> Dit Tintin in queurint.

Aveuc ché évèn'mint, Milou y n'avot perdu sin hoquet. Mé inn' novelle épreufe attindot Tintin.

<< Saprischti ! All'veut pon s'ouvrit. Y fot absolumint que j'eum'décide à l'feure répareu c'te farniette.>>

Final'mint, all'veut bin s'euvrit. Mé dins l'mouv'mint l'carrio y s'brise in cognint inn'selette su l'queulle y avot in vasse qu'y quét et s'brisse à sin tour.

S'pinchint à l'farniette ouveurte:

<<Pus persanne, nateurell'mint !!! ...

Occeupons-nos mint'nint d'euch malhéreux t'home chi ...

J'vas l'trinsporteu su l'divin ...

Eul' tirint pou l'dégageux d'eul porte y s'dit :

<< J'vas arfarmeu ch'eul porte avint ... >>

Bin intindu, y n'a pon intindu qu'lé Dupont-d v'note y rinte inn' visite et qu'y s'avote vu l'porte intr'ouveurte.

<< Teu sé bin qu'y nos a dit un jour qu'eus porte all'étot toudis ouveurte pou nos.>>

Quo qu'y l'avot dit là. Ché juste au momint qu'y s'arrife pou intreu qu'Tintin arpousse cheulle chi aveuc sin pieu. Nos deux Dupont-d archote eul'porte à leu neu. Malgreu tot, y n'in prin-ne pon ombrache :

<< Vos avé inn' curieuse façon d'archevir ché gins? ...

Oh! Quo qu'euj'vos là? ... >>

<< Aidé-meu à l'trinsporteu su l'divin, volé-vos? >>

<< Y lé mort? >> D'min-ne Dupont

5

<<Mé infin, quo qu'y sé passeu? >> D'min-ne à sin tour Dupond

<< Nan, y vit: sin coèr bat ...

Chou qu'y sé passeu ? ... J'in sé trop rin! ... V'la que j'vos explique : Y a inn'hoère inviron, ch't'home chi m'téléphan-ne et meu d'min-ne d'eul' archevir. J'acceupte.

A huit hoère trinte, in sanne. J'oufe eul porte et avint d'avoèr pu pronanceu in seul mot, ch'malhéreux s'écroule d'vint mi, à mé pieu ... >>

<< Hem! ...

Vos dites qu'y n'a pon pronancé in seul mot ? Dins s'cas comint pové-vos affirmeu qu'ché bin li qu'y vos a téléphan-né? ...

<<J'n'affirme rin, mé tot porte à croère que ... >>

<< Et que signifie sé trace de lutte ? ... >>

Montrint lé débris d'euch'vasse et d'eul'vitre.

<< Dé trace eud'lutte, in effeu ! D'eul lutte qu'jé du sout'nir pou l'euvrir c't'farniette ? Et pis quo ? Vos n'allé tot d'minme pon prétinte qu'ché mi qu'y a assommeu ch't'home chi ... >>

<< J'eun'dis pon cha, mé ... >>

<< Pardon, mé gins ...

Pouros-je savir pou quo euj'sus chi ? >>

Euch'l'home y l'avot arpris ché esprit et s'étot arl'vé d'euch'divin.

<< Y sin-ne, M'sieu, qu'cha s'rot putôt à mi d'vos poseu l'questian! >> l'y dit Tintin

Lé Dupont-d:

<< Et d'abord, pourote-vos donné l'signal'mint d'vo z'agresseu ? >>

<< Eum' n'agresseu? ... Queul agresseu ? >>

<<M'n'ami, j'vos conselle d'eun' pon vos moqueu d'nos-z'aute! Et pou comminché, queul é vo nom? >>

<< Je ... Vé-yons ... Mé ché extraordineure ... Je.. . je ... Impossipe d'min rappeleu! ... >>

<< Inn' dernian fos, min gaillard, j'vos conselle d'eun' pon vos payeu no tiète! ... Vo nom? >> Insiste Dupond.

<< Ouais vo nom? ... Et pu vite que cha! ... >> Arprind Dupont.

<< Et si ch't'home y l'étot sinceur! Si l'étot simplemint frappeu d'amnésie? ... >>

<< Quo qu'l'amnésie viant chi foute? >>

<< Amnésie! Y l'aura probablemint archu in choc violent qu'y li ara fé perte la mémoire. Cha s'vot tot lé jour. A vos plache, j'eul'conduiros à l'hôpital et l'f'ros examineu pas in mèd'cin. >> leu dit Tintin.

6

<< Hem! Qu'in pinse-tu ? Dupont >>

<<Hem ! In pourot ésséyeu, Dupond. >>

Et lé v'là parti tôt lé tros pou l'hôpital. Dupont y pinse core :

<< Tintin l'a bio dire, cha m'sin-ne peu cro-yape c't'affeure d'amnésie!!! >>

Tintin y lé resteu à s'mason et lé ravisse s'in alleu pas s'farniette.

<< Bizoère! Bizoère!.. Jé bio arfléchir, j'eun'comprinds absolumint rin à ch't'histoère ...

In attindint, j'vas rimplaceu ch'eul'vitre ...

Allô! ... L'vitrieu? ... Pové-vos v'nir rimplaceu in carrio? ...

Ouais ... Tintin ... Vos pass'ré s'soèr? ... Parfeu! ... >>

Tintin n'a pon attindu longtimps, come ché là y l'avot fini s'n'ouvrage, l'vitrieu ! Y rimplace ch'eul'vitre et s'apprète à prin-ne congé. Tintin y lé satisfeu.

<< V'là pou vous! >>

<<Merci, M'sieu ....

Bonsoèr M'sieu Tintin. Et toudis à vo serviche.>>

<< A min serviche? L'pus tard possipe, j'espeure >>

Trop tard, à peine arfeurmeu l'porte qu'inn'pierre arcasse eul'vitre. Pofe Milou qu'y l'archot su sin dos. Tintin s'dépèche d'raviseu dins l'rue.

<< Persanne!!! ... Eul'rue all'é déserte ...

In s'artournint.

Ah! Y a in billeu attacheu à l'pierre ...

"Inn'dernian fos, mêlé vos d'vo z'affeure."

Inn'dernian fos, autremint dit, in nos a d'jà mis in garte. Quind cha? ... Parbleu! Ché au Klow que ch't'avertiss'mint m'a été donneu. Y a donc du syldave la d'sous ...

Inn'ideu! ... Chi j'acchept'rot de d'v'nir eul'secréteur du Professeur et d'l'accompagneu en Syldavie !!! ... >>

Eul'lind'mon matan, ché tros home sont core in réunian à ch'restaurint Klow.

A SUIVRE

7