|
|
HERGE LES AVENTURES DE
TINTIN EN PATOIS DU CAMBRESIS EUCH’ L’ILE NOERE PAR HECTOR MELON D’AUBIER |
EUCH’ L’ILE
NOERE In apreu-midi d’autamne, Tintin s’prom'not aveuc Milou dins lé cimps. Sodin, y z’intinte in avian. Ch’ti chi y fé dé rateu. <<Tians ! Y s’rot bin in raque ! >> Tintin ravisse ch’l’avian atterrir. << In apparel d’tourisme, sins doute … Allons vir cha, Milou ! >> Ch’l’avian y l’étot arréteu et in mécano ravisot d’jà à ch’moteur. <<Cha va dureu lotimps, ch’te réparatian. >> <<Nan ! Sot sin crainte. Ché l’affeure eud’tros minute. >> Tintin y l’ arrife su l’intreufèt. << Tians ! Y né pon immatriculeu ch’t’avian ! >> << Slim, queuqu’an ! >> <<Tint pis pou li ! Teu connos l’consingne … >> << B’jour, M’sieu ! Chou qu’euj’ peux vos êtes utile ? >> In guise eud’répanse, y l’archot in cop d’feu. Tintin y quét et reste allongeu su l’seu pindint qu’euch’ l’avian y l’arpart, porsuivi pa Milou. Dé gins v’nu vir l’avian porte s’cours à Tintin et l’conduise à l’hôpital. Eul’lind’mon matin à l’hôpital, inn’infirmieure d’minde à ch’Docteur chou qu’y l’a. << Rin d’grafe ! Ch’eul’balle all’a glisseu su inn’cote. Dins tros jours, euch’garchon y s’ra su pieu . >> Pis queulqu’an d’min-ne à l’infirmieure : << Perdon, Mad’moiseulle ! … Chou qu’in pourrot vir M’sieu Tintin. >> Ché ché Dupont-d qu’y v’note d’intreu dins l’quinme. <<Ouais ! Y va miu. Y lé là ! >> <<Alors, no cheur ami ! Vos êtes bin chertan qu’euch t’avian n’étot pon immatriculeu ? >> << Absolumint !!!>> << Bizoère affeure ! .. . Bizoère affeure … >> << J’diros minme pus. Ché inn’affeure … Hum … Inn’affeure bizoère. >> rajoute Dupond. Ch’l’infirmieure arfé s’n’intreu et : << In d’min-ne in M’sieu Dupont ou Dupond à ch’téléphane. >> Y n’a an qu’y prind ch’télèphane dins l’pièche : 1 <<Allo ! … Ouais ! … Ah ! Ch’eul’ Sur’té ! … Bon … Ouais ! … Ouais ! … Ah, … C’te nuit … Comint ? … Eastdown … Ouais … Bin chef ! In part immédiat’mint … Nos partons pou l’Ingleterre. In avian non immatriculeu é quéhu ch’t’nuit à Eastdown dins l’ Sussex. Arvoèr Tintin ! >> << A l’arvo-yure … Et banne chince ! >> << Merci ! >> Tot in sortint d’eul’quinme, l’in dé Dupont-d n’vot pon in sio d’io lécheu pas inn’fimme eud’ménache. Bin sûr, y chope eud’dins et y quét intrénint l’aute dins s’chute. << Ché d’eut’fote, teu n’ravisse jameu d’vint ti. >> << Et ti-z’aute ! Teu l’avos vu l’sio, hin ! >> Et y continute leu route in maugréint. Tintin y réfléchit apreu leu départ. << Eastdown … Que fère ? … Tint pis, j’vas feure inn’mitan à m’mote et l’aute mitan à m’n’ideu. Eul’docteur dira chou qu’y voudra ! … S’habillint in hâte : Arvoèr, Mad’moiseulle ! … >> Pofe tiote ! All’n’arv’not pon d’eul’vir sin alleu, qu’all’ n’a rinverseu sin basin d’io su l’pofe Milou. Pus tard, su l’quai d’eul’gare. Deux home discutaille in lisint l’jornal. << Cha alors ! T’as vu cha ! Teu sé qui ché qu’lé copins ont blésseu ch’te nuit ? … Ché Tintin !>> <<Blésseu ! … Qué dommache qu’y né fé qu’eul’boulot à mitan ! … Mé arwette ! Ché li ! Là ! >> << Y prind l’tron. In va finir l’ouvrache nos minme !!! >> In tiot momint pus tard, dins l’tron . Pindint qu’Tintin et Milou s’arposte, queulqu’an tire ch’eul’sonnate d’alarme. Du cop, euch’tron y s’arreute. Tintin y quét in bas d’eus’binquette : << Quo qu’y s’passe chi ? … Vé-yons dins ch’corridor ! >> Y vot bin in homme qui queurt, y s’in va queurir apreu li. Mé l’aute fout l’cimp pas ch’eul’portieure, pis à traveurs cimps. <<Sur’mint in type qu’y n’a pon eul’conci-ince trinquile. … V’là qu’y s’infuit ! >> 2 Volint l’poursuife, y s’fé attrappeu pas l’col-bac pas in controleu. <<Vians là ti-z’aute ! Dù qu’teu va come cha ? >> <<Aie, eum’bléssure ! … Laché meu ! Y a in home qu’y viant d’sauteu du wagon. Y fot l’rattrapeu. >> <<Pon tint d’histoère ! N’fé pon l’mariole ! >> <<Que persanne ne sorte ! … Dit inn’vox autoriteure. N’laisseu échappeu persanne ! … Tintin vos ichi ? >> Ché lé Dupont-d qu’y sont là . Y rinte tartous dins l’compartimint dù qu’y a in home allongeu, à mitan assomeu et dé billeu trin-ne pa-tière. Ch’l’home y l’arviant à li. In arconnot qu’ché in dé deux home qu’y étote su l’quai d’eul’ gare. <<Ché li ! J’l’arconnos. Ché m’n’agrésseur ! >> << Mi ? >> Fouillint l’gabardine d’Tintin, lin dé Dupont-d : << Ché juste ! V’là chi l’matraque qu’y sé servi … >> << Et chi ! L’porte monneu d’eul’victinme. Y s’trouvot dins l’aute poche.>> Troufe l’aute Dupont-d . << Mé j’sus innochint ! Ché inn’odieuse machinatian. Ché z’objeu ont du ête glisseu dins mé tasses pindint qu’euj’dormos. >> Rin n’y fé ! Ché Dupont-d l’y paste lé m’nottes : << Quoqu’vos volé ! Tout ché apparince sont conte vos. >> << Euj’sé ! Euj’sé ! … >> Euch’ tron continue sin qu’min. Tintin et ché Dupont-d sont dins leu compartimint. Tintin é menoté intre eu-deuss. Ché Dupont-d finiste pas s’indormir, alors qu’eul chin-ne dé menottes à lé quéhu d’eul’poche. Tintin y buzille core : <<Ché vrè, tout sin-ne m’acceusé. Jusqu’à ch’témoniache d’euch’controleu qu’y prétint qu’j’éssé-yos d’m’infuir. Euch’cop y l’a été bin monteu … Pa qui ? …. Pouquo ? …. Saprischti ! Ch’eul’ cleu dé m’nottes ! …. All’é quéhu d’eus tasse. … Vite Milou, donne me leu … >> 3 Ché Dupont-d dormote toudis. Tintin fini pa s’détacheu pis y lot ché Dupont-d insin-ne aveuc ché m’nottes et s’in va sins feure eud’bruit. Arriveu à l’tirette d’aleurme, y tire eud’sus pou l’y déquinte du tron. Chou qu’y a pou éffeu d’feure querre ché valise su l’tiète dé Dupont-d qu’y bin sûr s’révailte : <<Pouquo qu’in s’arreute core ? Oh ! Mé dù qu’y lé Tintin ? >> <<Ouais ! A dù qu’y lé ? >> Y s’lév’te et parte chacan dins in sins d’eul’cabinne. << Parti. Malgreu ché m’nottes ! Euch’gaillard à tot’ lé audace. >> Dit Dupont << J’diré mimme pus : Y … Y a tot’ lé audace euch’gaillard . >>Li répand Dupond. N’s’étot pon aperchu qu’y avote ché m’nottes à leu pogné, y s’tire l’in à l’aute et finiste pas quéhir pa-tière. Inn’tiote hoère pus tard, Tintin arrife dins in villache et y s’arreute à l’premian since. << Ah ! Infin in villache. J’vas éssé-yeu d’avir inn’autio pou m’conduire au port. >> Seul’mint, ch’tron y l’a été pus vite que li. Et chéDupont-d sont arriveu à l’minme since, qu’y servot ossi d’arreu d’tron, pou s’feure inl’vé leu m’notte. Et l’sincieu qu’y étot ossi Maréchal-ferrind, y l’étot occeupé justemint à leu copeu. <<Ch’Tintin,
ché in tiot gredin. >> <<In gredin ? J’diros minme puss. Ché … Ché in gredin ! >> <<B’jour! >> dit Tintin in intrint. <<Ché li !!! >> <<Ché euss’ … Débuquons Milou … In queurint ossi vite qu’y peut : Ché chou qu’y s’appeule s’jeté dins l’gueule du leu. >> <<Arréteu ! Arrété vos !!! …. Arrété le ! … Arrété le … >> Tout in queurint y pas’te d’vint inn’mason dù qu’in tiot viu lé ravisse queurir. Y s’artrouf’te à l’aute bout d’eul’rue et n’vote pus rin. Y s’arviann’te su leu pas et s’arreute à l’farniette d’euch tiot viu : << Dite-meu min brafe ? Vos n’arote pon vu passeu in jonne home. >> << In jonne ? Aveuc in drôle eud’quien ? … Bin sûr qu’euch’lé vu. Minme qu’y courot come in dérateu. Y a du alleu s’mucheu dins ch’tiot bos. Là-bas ! …>> Leu montrint in bos, in tiot peu pus lon. 4 <<Bin !
In l’tians …>> <<Milou !!!!!!
>> << Wouha ! Wouha ! >> Euch’bébéte d’Milou n’avot rin trouveu d’miu qu’eud' porsuife in cat qu’y dormot dins l’mason et qu’y a fileu pas l’farniette. In passint y l’inlèfe eul’casqueute et l’barbe du tiot viu. << Zut ! J’eum’sus trahi ! >> << Ch’étot li ! … Arréteu, vos ête pris ! >> Tintin y arfile core d’pus belle, porsuivi pas ché Dupont-d. Y n’dot sin salut quo fé qu’y n’avote pon core inl’vé leu menotte . Et l’premian limpadeure rincantré y é pou euss’. Chacan d’un coteu y finis’te core l’cul pa-tière. Final’mint, Tintin arrife in bordure d’eul’natianale dù qu’Milou l’arjoint. << Ah ! Teu v’là ti ! … Si t’étot resteu trinquile, tout cha n’s’rot pon arriveu. … Ah, bin ! V’là in camian qu’y va dins l’minme sins que nos . N’hésitons pon ! J’vas li feure du stop. >> Euch’camian y s’arreute et l’prind à bord. <<Jé d’eul’chince. Y va just’mint veurs la côte. Ah ! Si j’pouvos arriveu à timps pou l’imbarquemint … >> Et ch’camian y roule , y roule. Pindint ch’timps là, ché passageu y imbarqu’te. Euch’batio y l’étot prêt à largeu s'amarre quind Tintin y l’arrife. << Y lé l’hoère ! Inlevé meu l’pass’reule.>> Nos deux home sont d’jà imbarqueu et attinte euch dépard : <<Et v’là ! In part. Pon mal réussi no tiot truc ? >> <<Pon mal ! Avint qu’euch Tintin sot interrogeu et qu’y proufe eus’n’innochince, in s’ra lon. >> Su l’minme timps, in inlèfe ch’eul pass’reule. Tintin à juste l’timps d’sauteu à bord . Lé deux aute l’ont vu : <<Muchons nos ! In n’peut rin tinteu conte li pindint l’traverseu. >> <<Vé-yons ! Carcule Tintin. Dins inn’hoère à Douvres. D’là in prind l’tron pou Littlegrave. In arrife à chonqu’hoère dix. Et là, y fot prin-ne inn’autio pou arriveu à Eastdown … >> L’traverseu s’passe bin ! Et l’batio arrife au port, pis l’tron l’fé déquinte à Littegraves dù qu’y prind in taxi : <<Volé vos bin m’conduire à Eastdown ? >> <<Yes, sir ! >> Mé y n’a dé ti-z’aute qu’y sont là ossi. <<Salut, Yvan ! Pon d’timps à perte. Teu vas suife l’taxi…. >> << Ban ! >> 5 Y printe inn’votiure rouche et y fonce rattrapeu l’taxi. Pis d’in seul cop, y l’doup’te l’taxi . << As-tu vu cha, Milou, à queu viteusse y nos a doubleu ch’ti là ! >> Pus lon l’votiure rouge, all’s’arreute. Ché gins y sont déquindu et y z’ont l’eur d’attinte. Tintin y s’approche à sin tour aveux sin chauffeur d’taxi. <<Cha y é ! Y viann’te vir ! >> <<Quo qu’y vos é arriveu ? >> D’min-ne euch’taximen. L’aute chauffeur : << J’eun’ … J’eun’ sé pon … Mé frin z’ont du s’bloqueu .. Je … >> Et d’in seul cop d’un seu, Tintin et l’chauffeur z’archote in cop d’matraque su leu tiète. Pis, l’votiure rouche arpart aveuc Tintin ligoteu, léchint là l’taxi et sin chauffeur assomeu. Li Milou, y l’a pon perdu l’nord. Y l’a rin trouveu d’miu qu’eud’s’accrocheu su l’pare-choc arrian. A
l’intérian : << Ah ! Ah ! Ravisse Wronzoff, no t’ami Tintin y arfeu surfince … >> << In effeu … Insin, in a équapeu à ché policieu, hin ! Vos arote miu fé d’resteu trinquil’mint preu d’euss’… >> Pus tard, eul’votiure s’arreute preu d’inn’ pâture in bordure d’inn’falaisse. << Teu peux t’arréteu ! Yvan. >> <<Ban ! >> <<Déquindé ! Et n’éssé-yeu pon d’cavaleu ! >> << Vos n’treuvé pon qu’eul’plésint’rie all’a assé dureu. Que volé vos, in somme ? >> << N’fé pon l’innochint ! Teu sé tout cha miu qu’nos. …>> continue Wronzoff, in traversint l’pature. Pi arriveu à ch’bord d’eul’falaise : <<Enlièfe zi sé lians ! … Bon ! Et mint’nint, m’n’ami, y s’agit pou vos d’batte l’arcord d’saut in profindeur ! … Sauteu ! … >> Milou y ravisot cha d’lon et y s’cassot l’tiète pou Tintin : << Tintin ! Y vont l’teu-é ! Comint l’déssaqué d’là. >> 6 << Alleu, saute ! Ban diousse ! >> << Ché cha ! Pou feure croère à in pofe accidint, ché cha hin ? >> Ajoute Tintin. Inn’ maguette, ou putot in bouc, y étot attacheu à in piqueu et brouteu d’l’hierpe. Milou y li arrache sin piqueu, pis l’éneurfe in li mordint s’quinme. Euch’bouc, in coleure, l’porsuit. Milou l’im-minne vers Wronzoff et passe intre sé ginme. Euch’bouc li y fonce drot d’vint li dins l’cul d’Wronzoff et l’invot valdingué. Y l’in peurd sin révolveur dins s’chute. Tintin y a juste eul’timps d’eul seusir au vol et m’nace à sin tour ché deux bonhome. << Haut les mons, binde eud’vaquabanne ! >> << Attintian, y arviann’te ! >> Dit l’deuxian bindit qu’y à vu arvenir Milou et ch’bouc su euss’. Tintin y l’arcule et chope su inn’pierre et qué à sin tour. Ché deux bindits in profite pou débuqueu. << Débuquons ! No cop y lé rateu … J’t’jure bin qu’nos prindrons no r’vinche, Wronzoff ! >> Final’mint, Milou intrin-ne euch bouc veurs in potio d’pature, y l’évite et ch’bouc y rinte eud’dins et s’assomme. Mé sin piquet qu’y l’suivot toudis au bout d’eus chin-ne, finit su l’attinte eud’Milou. Eul’porsuite all’é infin termineu. << Milou ! … Milou ! …. Allons, in route ! … Eul’ premian fos , ch’étot bin joueu. Mé pouquo é-tu arvenu à l’quarche. >> Milou répand pon. Y lé core à mitan dins lé vaps. Tintin porsuit sin qu’min in directian d’Eastdown. Y né qu’à quate kilomète. Mé
in home archot in cop d’téléphane: << Allo! ... Ouais ... Ichi, ché l’docteur Müller … Ah, Ché vos ! … Quo ? … Tintin su no piste ? ... Quo qu’y fé là ? …Bigre ! Y va falloèr euvrir l’oeul. >> Tot in trottinint, Tintin y l’arrife à inn’pature dù qu’y vot in polic’men surveilleu inn’carcasse d’avian. << Mé m’parole ! V’là chi ché débris d’l’avian quéhu eul’nuit dernian. Allons vir, Milou … A SUIVRE 7 |